551:0 Christus is opstahn, is ut sien Graff gahn
551:1 Christus is opstahn, is ut sien Graff gahn, Dood, wo is dien Övermacht! Felsen sünd sprungen, hell hett dat klungen, hell de Oostersünn uns lacht. Nu laat uns singen un Dank tobringen, den, de dor geven trügg in dat Leven, Christus den Heiland. Halleluja. Nah all uns' Bangen un groot Verlangen, nah düüster Sorgen röppt uns de Morgen: Christus is opstahn. Halleluja.
551:2 Bi soveel Gnaaden kann uns nich schaaden Düvel, Welt, Sünd oder Dood. Gott kann't woll wennen an all de Ennen, wo uns draapen mag de Noot. Em recht to ehren, laat Psalmen höören, laat Lichter brennen, den recht to kennen, de uns vörtogahn. Halleluja. Land, Meer un Water dankt Gott den Vader, sien Söhn is König, ümmer un ewig: Christus is opstahn. Halleluja.